Konjufca: Kontributi i Albright për çlirimin, paqen, lirinë, pavarësinë dhe shtetndërtimin e Kosovës do të mbetet i paharruar

22:45 | 23 Mars 2022
Gita

Kryetari i Kuvendit të Kosovës, Glauk Konjufca ka reaguar pas vdekjes së ish-Sekretares Amerikane të Shtetit, Madeleine Albright.

Konjufca në Facebook, shkruan se kontributi i Albright për çlirimin, paqen, lirinë, pavarësinë dhe shtetndërtimin e Republikës së Kosovës, do të mbetet i paharruar,shkruan arbresh.info.

“Kontributi i Zonjës Albright për çlirimin, paqen, lirinë, pavarësinë dhe shtetndërtimin e Republikës së Kosovës, do të mbetet i paharruar në mendjet dhe zemrat tona. Në këto çaste dhimbjeje për humbjen e politikanes së shquar e pragmatiste, shpirtit të humanizmit dhe simbolit të guximit kundër barbarisë së Milosheviqit, bashkëndjejmë me familjen Albright, të afërmit dhe mbarë popullin amerikan”, shkruan Konjufca.

Postimi i plotë: